الدوزان

 الدوزان

لنتعلم كيف مندوزن الغيتار و هاد بالعادة اكتر شغلة صعبة عند كتير عالم اول مبجيبو الغيتار ......
صديقي... مانها صعبة في عدة طرق للدوزان:

1- بدنا بالاول غنية الميتاليكا Nothing else matter

منسمع اول نغمة بالغنية و منحاول ندوز اول وتر من فوء (يعني العريض) لحتى يظبط متل اول علامة بالغنية بس يظبط منحط اصبعنا عالفرت الخامس من الوتر نفسو و منحاول ندوز التاني على نفس النغمة الخامسة للوتر الاول و هيك لحتى نوصل للوتر الخامس بدنا ندوزنو بس هاد الوتر منحط ايدنا عالفرت الرابع بالوتر الرابع و بس نخلص الاخير كمان منحط اصبعنا عالفرت الخامس للوتر الخامس و مندوزن اخر وتر

2- طريقة الهاتف الارضي :

لما منرفع سماعة التلفون الارضي بيطلعلنا صوت تون هاد التون علامتها A يعني علامة الوتر الخامس او التاني من فوق لما منكون ماسكين الغيتار لما مندوزن هاد الوتر منكون بلشنا باول خطو الخطوة التانية اننا ندوز السادس او الاول من فوق (العريض) عن طريق اننا نحط اصبعنا عالفرت الخامس للوتر التاني و ندوزن الوتر السادس عليه و الباقي بصير سهل متل اول طريقة .

3-برنامج دوزان :

في كتير برامج عالنت للدوزان فينا نستخدم برنامج Guitar rig 
و للسهولة برنامج للاندرويد تونر عن طريق سماعة الموبايل  
للتحميل:
Guitar tuna for android  

لازم نعرف انو الدوزان الستاندرد (standard tone )
بيكون بالشكل التالي من فوء لتحت EADGBE
يعني بالموسيقا مي لا ري صول سي مي
و بس نشوف ببداية التاب مكتوب EADGBE يعني دوزان ستاندرد  :)