الالترنت بيكنغ (Alternate picking)

الالترنت بيكنغ ( (Alternate picking

اساس عزف الليد بالغيتار (الليد هوة عازف اللحن) انو يكون تكنيك البيكنغ تبعك تمام بالايد اليمين بس بدها تدريب و صبر لحتى نطور الموضوع ,بس بالاول بدك تخصص جزء من وقت التدريب لتخلي الموضوع يمشي ... الالترنت بيكنغ او النقر المتبادل عالاوتار يعني انو نضرب عالاوتار بشكل متناوب بثبات و باستمرار من فوق لتحت (downstroke ˅)  و من تحت لفوق (upstroke ˄) .

و بهالتكنيك كتير مهم انو يكون الايدتين متوافقين بالتوقيت ,اتدرب بتمهل و لا تبلش بسرعة و بتدرج زيد السرعة .

و هي كم شغلة لتنتبه عليهن :

•  احمل الpick اللي متعود عليها و بالطريقة اللي بتحسها مناسبة اكتر لالك ,و اضرب عالاوتار بشكل بتحس فيه انك مرتاح و بتعادل و انتظام اد مفينك .

•  ادرب مع برنامج درمز او مؤقت (ميترونوم) بلش بوضع ال72 بالدقيقة او (60 للضربات الثلاثية اللي بتتسمى Triplets) و اذا فيك تسجل اللي عم تتدرب لا تقصر مشان تشوف التقدم اللي عم تسوي

•   حركة البيكنغ لازم تجي من المعصم مو من المرفق او من عضلات الابهام .

•  و اتدرب عالثلاثيات لا تنسى .

• بلش تدرب بدون ما تشتغل شي بالايد اليسار لتشوف ادي فينك تشتغل بايدك اليمين بالاول و اكيد حيكون اسرع بكتير من لما بتشغل ايد وحدة لانو التنسيق بين الايدتين مانو شي سهل .

و هدول هنة التدريبات اللي فينكن تدربو عليهن 

#تعلم غيتار #Guitar #غيتار #نوطة #موسيقا

 العودة لصفحة الفيسبوك

سكيل البينتاتونيك (الخماسي)

 

سكيل البينتاتونيك (الخماسي)

مصطلح بينتا هوة كلمة لاتينية بتعني الخماسي , مشان هيك البينتاتونيك هوة سكيل بخمس علامات و اسهل شغلة لحتى اتخيل البينتاتونيك اني فكر فيه كميجر او ماينر بدون انصاف !

المواضع الخمسة او البوسيشنات الخمسة لسكيل البينتاتونيك :

سكيل البينتاتونيك هو اكتر سكيل مستخدم تقريبا باي ستايل موسيقي و مشان هيك هوة كتير مهم انو نتعلمو بشكل كتير كويس .و هيدي هية الخمس بوسشنات للبينتاتونيك A ماينرو C بينتاتونيك ميجر و لحتى نخلي الموضوع واضح اكتر انا حددت نقطة وحدة هية العلامة الجذر او ال Root note  بيحتووا على نفس العلامات بس ببساطة ببلشو من مواضع مختلفة عالسكيل :

شوف .... حس..... المس.....و تذوق .....

مشان تأدر السكيل بشكل افضل لازم تجرب فيه مو بس تلعبو طالع نازل متل الباترن مكتوب يعني بشكل تاني : شوف .... حس..... المس.....و تذوق ..... و بالاخير جرب  .... مثال تسلسل السكيل هوة مجموعة من العلامات اللي بتتابع ورا بعضها عالسكيل و بالنهاية بتنعاد بخطوات متتالية و هنة بيتصنفو بالفواصل  Intervals متل الثلاثيات او بمجموعات متل مجموعات من تلاتة و هيدي مجموعة تدريبات تكنيك :

                                                          

                                  

#تعلم غيتار #Guitar #غيتار #نوطة #موسيقا

 العودة لصفحة الفيسبوك

نظرية الكوردس او التناغم

 

نظرية الكوردس او التناغم 

الكوردز Chords :

 هية مجموعة من العلامات الموسيقية المرتبة افقياً و دراسة الكوردات تسمى التناغم او harmony و اللي بتدرس كيف علامتين او اكتر بيتفاعلو و كيف بيتبعوا بعض كتير ناس بتعرف الكوردس كمجموعة من العلامات بتنلعب سوا و بوقت واحد.

بيتسمى الكورد بأسم اول نغمة bass بالكورد و الكورد بيتكون من اول نغمة بالسكيل (bass) و النغمة التالتة و الخامسة ..... طبعا في شي اسمو روت كوردس و اللي الكل لازم يكون يعرفها لانها الكوردات الاساسية و اللي بتتسمى متل اسماء النغمات على المدرج الموسيقي A B C D ...... و هيدي الكوردات منسميها الميجر Major و يعني الكوردات الرئيسية و اللي بتعطي صوت فرح بعكس اصوات الكوردات الMinor او الثانوية اللي بتعطي احساس حزين ..... 

 الصورة بتوضح كيفية عزف الكورد c او الدو ميجر 

صورة بتبين كيف منحط اصابعنا بالكورد C

 

طبعا عند ال × الوتر ما بينلعب اما عند اشارة ال O فالوتر بينلعب بدون ما ضغط ولا على علامة و منسمي اوبن سترينغ يعني وتر فاضي
 

الكورد E , Em الكورد المفضل عندي 3> :

 

الكورد الرائع D:

و منو الميجر و الماينر و السوسبيندد

  طبعا انا عم حط الكوردات الضرورية بعزف اي قطعة .....

 

الكورد G او صول ميجر

من الكوردات المهمة جدا لعزف معظم الاغاني ....

 

الكورد   B   ميجر :

 

الكورد F ميجر :

 

الكوردين لا ميجر و لا ماينر Am A 

 

هيدي هية اهم الكوردات للعزف طبعا في كوردات لا تعد ولا تحصى بس هدول الاهم :) اللي بدو يدرب عهدول رح يشوف حالو قادر يعزف اغلب الاغاني ككوردات.

 #تعلم غيتار

#Guitar

#غيتار

#نوطة

#موسيقا

العودة لصفحة الفيسبوك