برنامج الغيتار برو الاساسي لقراءة النوطة
العادية و الرقمية:
برنامج غيتار برو برنامج غني عن التعريف لكل عازف غيتار بساعدك تقرا النوطة و تجربها و تسمعها و تعدل عليها جرب مسار كل آلة بالمعزوفة لحالها في كل الالات و حتى الدرمز مع محاكاة لتحويل الصوت من ميدي لحقيقي و طبعا فينا ندخل عليه و نسجل اغاني عن طريق جهاز ميدي إن من اي كيبورد (أورغ) او جهاز بيدعم الميدي إن.
العودة لصفحة الفيسبوك
شو لازمني لاعزف غيتار ؟!
لنعزف غيتار و منعرف الغنية اللي بدنا نعزفها مافي داعي لنقرا نوطة
في عنا شي اسمو تاب و هوة عبارة عن ست خطوط كل خط بيمثل وتر من اوتار
الغيتار و منئرا التاب من تحت لفوء يعني الوتر رقم واحد هوة اخر واحد من
تحت و العكس و الصورة بتوضح كيف توزيع الاوتار
الفرء الوحيد بين
النوطة و التاب انو التاب ما بوضح الزمن يعني ما فيك تعزف غنية بدون ما
نعرف الغنية من ئبل ! و من الاخر عم نعزف غيتار لنعزف شغلات منعرفها مو
العكس.
العودة لصفحة الفيسبوك
الغيتار الكلاسيك و الكهربا و الاكويستك تقريبا نفس المبدأ:
1- براغي الدوزان : من هون مندوزن الغيتار لنخلي مناسب للعزف
2- دستن الاوتار : بيحجز الاوتار ببعد مناسب عن الفريت بورد (لوح
المفاتيح) مشان ما يضربو بالفريتس (الاجزاء المعدنية البتأطع الفريتبورد)
3- علامات المفاتيح : مشان تعرف وين عم تعزف و ما تضيع نقاط علام يعني
4- جسم الغيتار : بيختلف الغيتار الاكويستك و الكلاسيك عن الكهربا انو الجسم بيلعب دور بإخراج الصوت اما الكهربا فجواتو في اطع كهربائية و الجسم ما بيتعلئ بحودة او نوعية الصوت
5- حفرة الصوت : هية الفجوة اللي بتسمح للصوت يدخل و يطلع من غيتار الكلاسيك و الاكويستك و بالتالي مافي داعي لوصلو بشي ليطلع صوت
6- حامي ناقلات الصوت : بيحمي الدارات الكهربائية و ناقلات الصوت جوات الغيتار الكهربا
7-ناقلات الصوت (بيك ابس) : هنة البينئلو الصوت بغيتار الكهربا لل ـمب عن طريق تفاعل كهرومغناطيسي بين حركة الاوتار و البيك أبس
مفتاح ناقلات الصوت : بيغير المجال الكهرومغناطيسي و بيعطي صوت حاد او ضخم
ازرار الصوت و التون :لتخفيض و زيادة الصوت و تغيير نوعية الصوت
جسر الاوتار : مجل ممنركب الاوتار من الجهة المعاكسة لبراغي الدوزان
